#maltese اللغة المالطية، لغة عربية في الاتحاد الأوروبي

 
أنت بتأذن في مالطا! كلنا طبعاً سمعنا المثل ده قبل كده، و معناه ان صوتك مش هايتسمع ولا هيتاخد بيه و ده لأن جزيرة مالطا كانت بالنسبة للشعوب العربية نوعاً ما بعيدة بسبب موقعها الجغرافي اللي مخليها أقرب أكتر لأيطاليا ( 80km من إيطاليا) و  جنوب أوروبا.. لكن لو ركزت على الخريطة هاتلاقيها قريبة جداً لإيطاليا بس برضه مش بعيدة (280km) عن تونس و ليبيا.

 
جزيرة مالطا هي جزيرة أوروبية صغيرة حوالي 300

km، ساحرة و جذابة بسبب جوها المعتدل و شواطئها و شمسها زي بلاد كتير في البحر المتوسط.. لكن هي كمان عضوة في الاتحاد الأوروبي ، و ضمن اتفاقية الشنجين.
في مالطا،اللغتين الرسميتين هما اللغة المالطية و الانجليزية. لو أول مرة تسمع عن اللغة المالطية أحب أعرفك إنها لغة رسمية من لغات الاتحاد الأوروبي ( من أصل 24 لغة) .. بس ايه اللي بيميز لغة أهل البلد دي؟
لو عايز تعرف، ممكن تبدأ تسمع الڤيديو ده لحد بيتكلم مالطي.. حاول أنك تركز على الكلمات و تشوف لو فهمت
حاجة . و بعدين تعالى كمل قراية تاني :)  

https://m.youtube.com/watch?v=beIHWz4ss6E
..
https://m.youtube.com/watch?v=msnlp3gGgXM

.. ها ؟ :) شفت ازاي تقريباً فهمت حاجات كتير؟! ايوه اللغة دي لغة أصلها عربي .. تاريخ اللغة دي بيرجع لاحتلال العرب لجزيرة صقلية و مالطا في القرن ال 9 و مع وجود العرب اتطورت اللغة المالطية اللي تقدر تقول عليها انها مزيج من اللغة الإيطالية حوالي 40%  و اللغة العربية بالأخص اللهجة التونسية  اللي يتشكل حوالي 40% من الكلام و من القواعد النحوية و الأفعال. و ال10% اللي باقيين لغات تانية زي  الإنجليزي و الفرنساوي. اللغة المالطية بتتكتب بحروف لاتيني بس محتفظة بحروف عربية زي حرف ال ح و ال ع و خ .. و ده اللي بيخلي اللغة مختلفة عن اللغات الأوروبية لأن اللغة تعتبر لغة سامية حسب تصنيف علماء اللغة، من نفس العيلة اللي فيها اللغة العربية و العبرية.
 
لو انت شخص من شمال أفريقيا و بالأخص لو من تونس أو الجزائر و بتعرف ايطالي أو حتى فرنساوي، تقدر بسهولة تفهم  كلام الشخص اللي بيتكلم بنسبة كبيرة.. بالنسبة لك هايبقى زي  واحد ايطالي بيتكلم عربي مكسر، هاتعمل مجهود علشان تفهمه، و هو كمان هايفهمك لو أستخدمت كلمات قريبة من اللهجة التونسية..

صحيح أن مالطا مش كبيرة و عدد سكانها تقريباً نص مليون بس، لكن في دروس كتير تعليمية للغة المالطية والدروس دي لطيفة لأن معظم المالطيين بيتكلموا انجليزي ف الشرح بيكون سهل و كمان لأن اللغة قريبة مننا و كمان ممكن تساعدك انك تتعلم ايطالي ..
هاسيبلكم حبة مصادر تقدروا تتعلموا منها اللغة المالطية لو حابين.. و ياريت تكتبولي لو فهمتوا اللغة بسهولة ولا كان عندكم مشكلة في فهمها .. انا شخصياً لقيت أنها سهلة جداً و فهمت حاجات كتير من السياق..صحيح مافهمتش كل الكلمات و لكن قدرت أخمن هما بيتكلموا عن ايه :))

..
http://learn101.org/maltese.php
https://m.youtube.com/watch?v=AgJRqttp9p8
https://m.youtube.com/watch?v=B596oyF0caw
https://m.youtube.com/watch?v=msnlp3gGgXM

تعمل إيه لو فاتك القطر؟

 فاكر/ة كل المحطات و القطارات اللي ضاعت علينا، اللي ضيعناها بارادتنا أو حتى اللي نسيناها . لسه فاكر/ة كلام  الناس عن قد إيه إنت أتأخرت/ي..

لو  فاكر/ة بس لسه مش ندمان/ـة يبقى هنا مكانك، بس ليه الواحد ممكن يضيع القطر و يكون مش ندمان؟

مين قال إن اللي واقف في المحطة مستني يركب القطر ده؟ VIP ممكن يبقى عايز يركب قطر معين على مزاجه، قطر

.شيك و مكيف، مش عايز يتبهدل أو يتعب في الطريق

  و ممكن يكون مستني وقته المناسب اللي لسه ماجاش، بيخاف يسافر بالليل مثلاً أو عايز يتفرج على غروب الشمس في الطريق، و ممكن يكون مستني القطر اللي هايوصله المكان اللي هو عايزه، مش عايز يركب قطر مش عارف أخرته فين بالضبط.. قطر راسي و ريتمه شبه ريتم المسافر.

 و ممكن يكون مش مسافر أصلاً و مش هايركب قطر، مجرد زائر للمحطة عنده طيارة بعد الظهر و هو في الطريق للمطار دخل علشان ياخد فكرة و بعد كده هايكمل رحلته الأساسية، مش أكتر من أنه حب يتفرج على المحطة و الناس اللي بتجري في كل حتة علشان تلحق القطر.

اللي واقف في المحطة ممكن يكون مستني شريك أو صديق يشاركه الرحلة.. مستني ونس علشان مش بيعرف يسافر لواحده علشان يخلي لرحلته طعم.. علشان يضحك من قلبه و يحس إن جمال الرحلة في الطريق و الصحبة، مش دائماً في الوصول بس.

اللي واقف في المحطة ممكن يكون مش معاه تمن التذكرة والرحلة بالنسبة له مكلفة جداً و مش هيكون عنده طاقة أو إستعداد تام أنه ياخد القطر ده.. و يقرر إنه ياخد وقته  و مايضغطش على نفسه لحد ما ظروفه تسمح.

اللي واقف قدام المحطة ممكن يكون مستني وصول قطر حد تاني، أخد الرحلة في إتجاهه علشان يوصله في يوم من الأيام..  علشان بعد كده يكملوا الرحلة سوا على رجليهم و هما بيتكلموا عن كل حاجة في الطريق.

ممكن قطرك يكون إتأخر، أو أنت قررت تفوته بمزاجك حتى، علشان الوصول في التوقيت ده مش مناسب ليك أو مش فارق معاك، ف قولت تدردش مع الناس على المحطة و تعمل محيط إجتماعي في محطتك أو حتى تقف تاكل حاجة علشان تعرف تكمل الطريق و انت طولك مسنود .

في ناس كتير مش بتصدق بوجود قطر في الحياة، أنا منهم :) .. اكتشفت إن في ناس كتير بتجري بسرعة جداً بس مش رايحة في أي إتجاة .. بيلفوا حوالين نفسهم لمجرد إن شخص قالهم إن في قطر طالع الساعة 6 ولازم تاخده لمجرد إن في ناس تانية هاتاخده. و لما تروح المحطة، هتلاقي ناس كتير بتجري علشان تحصل القطر، وتقرر إن هو ده قطرك لأن كل إللي حواليك معتقدين إنه قطر السعادة.

و لما توصل إحتمال كبير هاتندم ندم أكبر من ندم إللي فوت القطر لأنك قدام القطر ده أنت ضيعت وقت و مجهود في الوصول لمكان بعيد تماماً عن وجهتك الأصلية أو إللي تخيلتها و طريق الرجوع ممكن يكون شاق و ممل و أصعب.

  أفتكر/ي يا صديقي/ صديقتي إن مش كل دعوة ليكم  معناها أنه مرحب بيكم في المكان ده.. مش كل مكان فاضي ينفع يبقى مكانك، ومش كل قطر ماشي ينفع يكون قطرك.

إنت اللي لازم تختار/ي إنت عايز/ة إيه فعلاً على حسب إحتياجكم و رغبتكم في المرحلة دي، المهم أننا نعرف سبب وجودنا قدام المحطة و ليه هانفوت القطر و هانكمل نوم ومش هانروح.. و لو لازم نركب قطر يبقى لازم  يكون معانا تذكرة فيها التفاصيل المهمة علشان مانتوهش في زحمة المسافرين و الشنط.

Take care ❤️

لعبة الهروب

 اتذكر ذلك الصبي الصغير المليء بالحياة و الطفولة، يعشق اللعب و الحركة ولا يهدأ الا عندما يضع كل من حوله في حيرة شديدة.. يختبيء تحت الطاولة و يضحك في عقله و هو يسمع الآخرين يبحثون عليه ولا يجدونه، يسمعهم يتحدثون عنه و يراهم في قلق و توتر ولا يشعر بذنب أو بمسؤولية ..
و تمر الأعوام و يكبر جسد الطفل، و الان يكرر ذلك المشهد في عالم الكبار، يقترب منهم و يجعل حديثه ووجوده روتينا لطيفا و ثم ينسحب نهائيا بدون عودة أو تردد، بلا ذنب أو مسؤولية .. الفارق هنا هو وجود الرغبة  في معرفة أن كانوا سيبحثون عنه مثلما حدث في عالم الاطفال ام سيتركونه و ينسونه لأن وجوده لم يكن بتلك الأهمية التي اعتقدها.
هل سيلاحظ احد، هل سيفتقده أحد؟..لا يعلم حقاً ولكن مع قليل من التحليل وجد نمطين مختلفين لتفسير تلك الظاهر.. ظاهرة الاختفاء تحت الطاولة.
الاولى، وهي بالمَدرسة الأنانية ..النظرة المُنتقدة و السلبية في تلك القصة و هي عدم ثقة الصبي في نفسه، فهو يقوم بالكثير من المجهود في وجهة نظره لكي يقترب أكثر ممن يحب ، ولكن يقرر الرحيل المفاجيء عندما يشعر بأن وجوده أصبح محل مكتسب بدون التقدير و الامتنان الذي يستحقه.
يذهب و يقرر نسيان الآخرين و لو مؤقتاً،  ، كأنه يفعل هذا للفت النظر و الاهتمام.. و أقف انا هنا انتقده! يا لك من ساذج منذ متى تحتاج لاهتمامهم لكي تكون انت وتتصرف على طبيعتك .. منذ متى تريد امتنان الآخرين حتى أو تنتظر تقديرهم واعجابهم! كيف أصبحت ضعيف هكذا؟!
لماذا تجعلهم يقلقون في غيابك و تجعلهم يعتقدون أنهم خسروك أو أن مكروه قد حدث  بينما أنت هنا تلهو ولا تهتم لمشاعر غيرك..
بينما يقف الشق الآخر يدافع عنه بنظرة مختلفة، أكثر إيجابية و حيادية ويقول إنها ليست انانية، ولا هروب..بل اختلاء لكي يجد نفسه مرة أخرى .. الاختباء يعزز طاقتنا  و البعد يجعلنا قادرين على تقييم العلاقات و يجعل رؤيتنا أوضح و انقى.. انسان حزين لا يستطيع أن يمنح السعادة لآخر.، أحيانا نهرب لنجد أنفسنا و نعيد بناء سعادتنا.. التى بدونها لن نستطيع أن نكون أنفسنا و لا نكون. الحبيب و الاخ و الابن و العامل و الطالب و الفنان .. بدونها سنفقد شغف الحياة و لذة السعادة، سنفقد أنفسنا في الطريق و سنندم على خسارة روحنا من ثم خسارة من حولنا لأننا لم نعطي شخصنا الوقت و الحق الكامل.. انها ليست أنانية بل حب و اهتمام بدونه لن نستطيع أن نعدل أو نحب و نحيى سعداء.. هذا ما قاله نصفي الاخر. و لكن البعد في عالم البالغين  يجب أن يكون بمسؤولية أكبر قليلة. يجب احترام قرارك و يجب ترتيب أولوياتك و يجب أن تتحدى رغبتك في اللعب وعدم السماع لمن حولك عندما ينادون لك في احتياج. يجب أن تخرج من تحت الطاولة في وقت ما لكي تؤدي دور البالغ  المسؤول، و من ثم يمكنك الرجوع الى تحت الطاولة مرة أخرى لكي تكمل البحث عن سعادتك التي أسقطها عندما كنت تأكل و انت سرحان مرتبك تفكر في مشاكل و حلول البالغين .. اجبرتك الحياة و لو للحظات أن ترجع للطفولة و أن تعيد اكتشاف العاب الماضي بشكل بالغ و ناضج قليلا عن ما مضى.. غريبة تلك الحياة، هناك الكثير من الأشياء التي لن تتغير رغم نمونا.